«Սերունդը» դպրոցի փոխակերպման և դպրոցական առաջնորդության վերապատրաստման ծրագիր է՝ երաշխավորված ՀՀ կրթության, գիտության, մշակույթի և սպորտի նախարարության կողմից` հանրակրթական դպրոցներում իրականացնելու համար։
Ծրագիրը կարևորում և թիրախավորում է աշակերտների, ուսուցիչների, ղեկավարների առաջնորդական հմտությունների զարգացումը, ծնողների ներգրավվածությունը և համայնքային համագործակցությունը:
Հանրակրթության զարգացման «Սերունդ» մոդելն ունի ռազամվարական երեք ուղղություն.
Դպրոցի ամբողջական
զարգացում
Այս ծրագրի միջոցով մենք հզորացնում ենք դպրոցներին՝ զարգացնելու ուսուցման մեթոդները և ձևավորելու համագործակցային միջավայր, որը բավարարում է յուրաքանչյուր աշակերտի անհատական կարիքները։ «Սերունդ» ծրագիրը աջակցում է այս վերափոխմանը՝ դպրոցներին տրամադրելով անհրաժեշտ գործիքներ, գիտելիք և առաջնորդական կարողություններ՝ կայուն և համակարգային փոփոխություն ստեղծելու համար։
ԱՄԵՆ ԻՆՉ ՍԿՍՎԵՑ ՄԵԿ ԴՊՐՈՑԻՑ
«Սերունդ» ծրագիրը մեկնարկել է 2020 թվականին՝ Դիլիջանի Թախտա համայնքում։ Այն ներկայացնում է նոր մոդել Հայաստանի հանրակրթական համակարգի համար և տալիս հնարավորություն «Դասավանդի՛ր Հանուն Հայաստանի» ծրագրի շրջանավարտներին շարունակելու իրենց ակտիվ մասնակցությունը կրթական ոլորտում։ Սկզբնական շրջանում դպրոցը բախվում էր ցածր հաճախելիության խնդիրների, սակայն արդեն առաջին ուսումնական տարվա ավարտին նկատվեց զգալի առաջընթաց՝ ավելացնելով թե՛ աշակերտների թիվը, թե՛ ակադեմիական ցուցանիշները։ Թախտայում հաջողությամբ իրականացված փորձնական փուլի և Կրթության զարգացման ու նորարարությունների ազգային կենտրոնի գնահատման արդյունքում, Հայաստանի կրթության, գիտության, մշակույթի և սպորտի նախարարությունը հավանություն տվեց «Սերունդ» ծրագրի ընդլայնմանը հանրապետության ողջ տարածքում։
Մանկապարտեզի ամբողջական
զարգացում
«Սերունդ» ծրագիրը նոր տեսլական է բերում վաղ հասակի կրթության ոլորտ՝ վերափոխելով մանկապարտեզները հոգատար, ներառական և երեխայի բնական զարգացմանը նպաստող ուսումնական միջավայրերի։ Մենք աջակցում ենք մանկավարժներին՝ ձևավորելու երեխայակենտրոն և խաղային ուսուցման միջավայրեր, ինչպես նաև տեղայնացված մեթոդաբանություններ, որոնք խթանում են երեխայի ամբողջական զարգացումը և ապահովում ամուր մեկնարկ յուրաքանչյուր փոքրիկի համար։
Հոգեկան առողջության և
հոգեսոցիալական աջակցության
Հոգեկան առողջության և հոգեսոցիալական աջակցության բաղադրիչի ներդրում հայաստանյան 225 դպրոցներում՝ Համաշխարհային Բանկի կողմից ֆինանսավորվորված հոգբենականա աջակցության ծրագրի շրջնակում։
2026 թվականի սեպտեմբերին Երևանում իր դռներն է բացելու «Սերունդ» հեղինակային դպրոցը՝ Հայաստանի առաջին ԱԲ հենքով հանրակրթական դպրոցը, որն անվճար է լինելու յուրաքանչյուր երեխայի համար։
Դպրոցի տեսլականն է կերտել հանրային կրթության նոր մոդել, որը պատրաստում է երեխաներին հաջողել արդյունաբերական դարաշրջանից այս կողմ գտնվող աշխարհում՝ ձևավորելով ճկունություն, հարմարվողականություն և ինքնուրույն ու ցկյանս սովորելու կարողություն, որպեսզի յուրաքանչյուր երեխա վստահությամբ և արժանապատվությամբ կողմնորոշվի ԱԲ ազդեցությամբ ձևափոխվող ապագայում։
«Սերունդ»-ի առաքելությունն է օգնել յուրաքանչյուր երեխայի դառնալ ինքնագիտակից սովորող, ով ընդունակ է ամբողջ կյանքի ընթացքում սովորել, վերասովորել և հրաժարվել հնացած գիտելիքներից։ Դպրոցի փիլիսոփայության հիմքում ամբողջական երեխայի զարգացումն է՝ ակադեմիական առաջադիմության, սոցիալ-հուզական աճի, ֆիզիկական առողջության ու մշակութային ինքնության համադրմամբ, որտեղ ուսումնական ճանապարհը համատեղ հեղինակում են աշակերտները, ուսուցիչները և ծնողները։
Կրթական մոդելի հիմնական շեշտադրումներն են փաստահեն ու նախագծահեն ուսուցումը, տեխնոլոգիաների կիրառումն ի նպաստ երեխայի՝ անհատականացված ուսումնառության պլանների միջոցով, և ԱԲ-ի կիրառմամբ ուսուցիչներին վարչական բեռից ազատումը, ինչը թույլ է տալիս նրանց հանդես գալ որպես սովորողների ուսումնառության ճարտարապետներ և խորը, անձնային հարաբերություններ կառուցել յուրաքանչյուր երեխայի հետ։
*Այս տարի սեպտեմբերին ընդունելություն կլինի միայն առաջին դասարանցիների համար, իսկ գրանցման հայտը կբացվի Հուլիսի 1-ից։
«Սերունդի» փոփոխության
հայեցակարգով պայմանավորված՝ «Սերունդի» մոդելը կառուցված է դպրոցի յուրաքանչյուր մակարդակի համար առաջնորդության ձևավորման
գաղափարի շուրջ:
«Սերունդ» մոդելը՝
առաջնորդություն յուրաքանչյուր մակարդակում
-
Ուսումնական գործընթացի հիմքում ներդնելով փոփոխության վրա հիմնված ուսումնառությունը և սոցիալ-հուզական ուսումնառությունը` մենք խթանում ենք աշակերտական առաջնորդությունը՝ այն որպես անձի ամբողջական զարգացում դիտարկելու միջոցով: «Սերունդի» մեթոդաբանությունը պահպանում է «Դասավանդի՜ր, Հայստանի» նվիրվածությունը մեր՝ «Քոչարի»-ի առանցքը հանդիսացող 2050 թվականի խոստմանը։
-
Դպրոցում գործող բոլոր ուսուցիչները կարող են դիմել՝ եռամյա վերապատրաստման ծրագրի միջոցով դառնալու «Սերունդ ուսուցիչներ»: Այդուհանդերձ, դպրոցում մենք տեղակայում ենք երկու և/կամ ավելի «Դասվանդի՛ր Հանուն Հայաստանի»-ի շրջնավարտներ՝ աշխատելու որպես ուսուցիչ-քոուչներ:
-
Համագործակցելով տնօրենների և մարզպետարանի հետ` մենք դպրոց ենք գործուղում «Սերունդի» առաջնորդության զարգացման ղեկավարին, որը կվերահսկի եռամյա ծրագրի իրականացման գործընթացը:
Ընդգծելով նորարարությունն ու առաջընթացը
Մինչև 2024 թվականը մեր ծրագրին մասնակցող բոլոր դպրոցներն ունեին ոչ ավելի, քան 20 ուսուցիչ և 110 աշակերտ։ Սա փոխվեց 2024 թվականի սեպտեմբերին, երբ մենք մեկնարկեցինք այս ծրագիրը Ստեփանավանի մեր առաջին մեծ դպրոցում՝ ներգրավելով 32 ուսուցիչ և 530 աշակերտ։ Ստեփանավանում գրանցած հաջողությունը՝ արտացոլված աշակերտների և ուսուցիչների առաջընթացում, ինչպես նաև գրանցված տվյալներում, ապացուցեց, որ ծրագիրը ոչ միայն լավ մշակված է, այլև հարմարեցված է ցանկացած չափի դպրոցի համար։
Բացի այդ, «Սերունդ» նախաձեռնությունն ընդլայնվեց՝ ներառելով չորս դպրոց և իր առաջին նախադպրոցական փորձնական ծրագրերը ներկայացրեց Արենիում և Դիլիջանում՝ նշանավորելով մեր ազդեցության ընդլայնման ևս մեկ կարևոր քայլ։
27%
բարելավում մաթեմատիկա առարկայից
24%
բարելավում ընթերցանությունից
