«Ուսուցչական առաջնորդության» մագիստրոսական ծրագիր

• Ձևավորել մանկավարժական գիտելիքների ամուր հիմք՝ ուսումնասիրելով լավագույն փորձը, կիրառելով գիտելիքները գործնական միջավայրում և ինքնակատարելագործվելով ինքնանդրադարձի ու հետադարձ կապի միջոցով։
• Կիրառել գործիքներ և ռազմավարություններ՝ կրթական խնդիրներն արդյունավետ բացահայտելու և լուծելու համար։
• Տեղայնացնել կրթական առաջնորդության ու արդարության համաշխարհային միտումները՝ տեղական մարտահրավերներին արդյունավետ լուծումներ առաջարկելով։
• Կիրառել հետազոտական հմտություններ՝ շարունակաբար զարգացնելու իրենց մանկավարժական և առաջնորդական գործելակերպը։

Ո՞վ կարող է դիմել

• ԵՊՀ-ի և այլ պետական ու ոչ պետական բարձրագույն ուսումնական հաստատությունների՝ իրենց մասնագիտություններով հավատարմագրված բակալավրի, մագիստրոսի կամ դիպլոմավորված մասնագետի որակավորում ունեցող անձինք՝ ինստիտուցիոնալ հավատարմագրում անցած հաստատությունների թե՛ առկա, թե՛ հեռակա շրջանավարտները, որոնք նպատակ ունեն դասավանդելու հանրակրթության միջին կամ ավագ օղակներում։
• Կրթության ոլորտում տեսական և գործնական գիտելիքներ ձեռք բերել ցանկացող անձինք։
• Գործող ուսուցիչներ, որոնք ցանկանում են ուսումնասիրել կրթական նորարարական մոտեցումներն ու առաջնորդության տեսությունները։
• Կրթության մասնագետներ, որոնք ցանկանում են կրթության ոլորտն ուսումնասիրել առաջնորդության տեսանկյունից։

Ի՞նչ հնարավորություններ է առաջարկում ծրագիրը

• Հնարավորություն՝ միաժամանակ աշխատել որպես ուսուցիչ և ստանալ մանկավարժության մագիստրոսի աստիճան։
• Մատչելի և ճկուն հեռավար ուսուցման ձևաչափ՝ առցանց դասերով և աջակցող էլեկտրոնային ռեսուրսներով։
• Առաջնորդության, նախագծերի մշակման և համայնքային ազդեցության գործնական գիտելիքների ձեռքբերում։
• Կարիերայի հնարավորություններ դասավանդման և կրթական առաջնորդության դերերում։
• Հայաստանի կրթական նախաձեռնության (ՀԿՆ) ավելի լայն էկոհամակարգին անդամակցություն՝ Կայծի նման ծրագրերի հասանելիությամբ։