Ամեն տարի «Դասավանդի’ր Հանուն Հայաստանի»-ը հավաքագրում է իրենց գործին նվիրված, խանդավառ անձանց` դառնալու Ուսուցիչ-առաջնորդներ առաջնորդության զարգացման երկամյա ծրագրի միջոցով։ Մեր Ուսուցիչ-առաջնորդներն անցնում են ինտենսիվ վերապատրաստում՝ դասավանդելով Հայաստանի մինչև 2023թ. Արցախի այն համայնքներում, որտեղ նրանց կարիքն ամենաշատը կա։ Մեր երկամյա առաջնորդության զարգացման ծրագրերից որևէ մեկը հաջող ավարտելուց հետո մեր շրջանավարտներին հնարավորություն է ընձեռվում ծառայել` որպես մեր առաքելության «դեսպաններ»։ Որպես «դեսպաններ» նրանք շարունակում են իրագործել մեր առաքելությունը՝ առաջնորդության տարբեր ուղիների միջոցով։
“«2017թ.-ին, երբ ես պաշտոնապես դարձա «Դասավանդի’ր Հանուն Հայաստանի»-ի կրթության հավասարության շրջանավարտ-դեսպան, ես քաջ գիտակցում էի, որ այդ կոչումը պետք է պատվով ու մեծ պատասխանատվությամբ կրեմ՝ օրինակ դառնալով այն կրթության ջատագովի, որ մենք ուզում ենք ունենալ մեր բոլոր երեխաների համար Հայաստանում և Լեռնային Ղարաբաղում (Արցախում)։ Բայց ես չէի պատկերացնում, թե ինչպիսի անձնական ու մասնագիտական աճի հնարավորություններ է այն ինձ ընձեռելու։ Հիմա, անդրադառնալով այս տարիների իմ ձեռքբերումներին, ես վստահորեն հավաստում եմ, որ դրանց հիմքում իմ աշխատասիրության ու համառության հետ միասին հավասար տեղ են զբաղեցնում այն բոլոր գիտելիքները, կարողունակություններն ու հնարավորությունները, որ ունեմ «Դասավանդի’ր Հանուն Հայաստանի»-ի շրջանավարտ լինելու շնորհիվ»։
«Վերջին տարիներին «Դասավանի’ր Հանուն Հայաստանի»-ի հետ համագործակցության տարբեր շրջանակներում շարունակում եմ ներդրումս Հայաստանի և Արցախի երեխաների համար հավասար կրթական հնարավորություններ ստեղծելուն: Որպես Հանրային համագործակցության մասնագետ` հետաքրքիր փորձառություն եմ ունեցել կառավարական և ոչ կառավարական կառույցների, ոլորտի գործընկերների հետ աշխատելու, հմտություններս զարգացնելու և ամենօրյա աշխատանքի շնորհիվ Հայաստանի և Արցախի համայնքներում բնակվող աշակերտների կյանքում դրական փոփոխություններ բերելու գործում: Որպես կրթության հավասարության դեսպան` իմ առաքելությունն եմ համարում ողջ ներուժս ուղղել կերտելու այն հայրենիքը, որի հիմքում կանգնած է իրավագիտակից, կրթված և պատասխանատու քաղաքացին»:
01
2019 թվականին «Դասավանդի’ր Հանուն Հայաստանի»-ն մենկնարկեց «Սերունդը», դպրոցի վերափոխման իր նախաձեռնությունը, որը նաև նպատակ է հետապնդում ստեղծելու կադրերի պահուստ՝ դպրոցի առաջնորդներ պատրաստելու համար։ Ծրագրի միջոցով շրջանավարտներն անցնում են դասավանդման առաջնորդության, ինչպես նաև դպրոցի կառավարման ինտենսիվ վերապատրաստում։
02
Այս տարիների ընթացքում «Դասավանդի’ր Հանուն Հայաստանի»-ն մեծ ներդրումներ է արել ամրապնդելու իր ներքին տվյալների համակարգերը։ Այժմ մենք պատրաստ ենք անցում կատարել հաջորդ մակարդակ Հանրային քաղաքականության լաբորատորիայի միջոցով, որի օգնությամբ մենք կպատրաստենք մեր շրջանավարտներին մշակելու քաղաքականություններ, որոնք կընդունվեն կառավարության կողմից։
03
Մեկնարկելով 2019 թվականին՝ «Կայծ»-ը հանդիսանում է կրթությանը նվիրված առաջին սոցիալական նորարաությունների ինկուբատորը Հայաստանում։ Ծրագրի միջոցով շրջանավարտներին տրամադրվում է վերապատրաստում, աջակցություն և ռեսուրսներ` հիմնելու իրենց սեփական սոցիալական ձեռնարկությունները։
Ուսուցիչների առաջնորդության ծրագրի շրջանավարտներն այժմ կազմում են 400-ից ավելի Շրջանավարտ-դեսպաններից բաղկացած ցանց, որոնցից 70%-ը աշխատում է կրթության ոլորտում և խթանում է առաջընթացը դասարանում և դասարանից դուրս։
«Դասավանի’ր Հանուն Հայաստանի»-ն ինձ տվեց անմոռանալի փորձառություն, որը ձևավորեց իմ անձնական և մասնագիտական աճը։ Այն ուժ տվեց հիմնելու «Green Construction» ընկերությունը՝ կայուն կանաչապատման ոլորտում, որի առաջին հաճախորդներից մեկն էլ «Դասավանի’ր Հանուն Հայաստանի»-ն էր»։
«Դասավանի’ր Հանուն Հայաստանի»-ի Նախկին Ուսուցիչ-առաջնորդ, «Green Construction»-ի հիմնադիր
ԱՆՈՒՇԻԿ ՄԵԼՔՈՆՅԱՆ · 4-րդ սերունդ Generation
Ապրելով և դասավանդելով Կողես համայնքում՝ ես բացահայտեցի Հայաստանի գյուղական համայնքների ուժն ու հնարավորությունները «Դասավանի’ր Հանուն Հայաստանի»-ի Սոցիալական Նորարարությունների Ինկուբատոր ծրագրի աջակցությամբ։ Սկեցի «Զարդենի» նախաձեռնությունը՝ հնարավորություն տալով աշակերտներին աճեցնել ու վաճառել ուտելի բույսեր՝ ապահովելով նոր եկամտի աղբյուրներ իրենց համայնքում»։
«Դասավանի’ր Հանուն Հայաստանի»-ի Նախկին Ուսուցիչ-առաջնորդ, «Զարդենի»-ի հիմնադիր և գործադիր տնօրեն:
ՔՆԱՐԱ ՏԵՐ-ՀՈՎՀԱՆՆԻՍՅԱՆ · 4-րդ սերունդ
«Դասավանդի՛ր Հանուն Հայաստանի»-ի միջոցով ես սովորեցի, թե ինչպես օգտագործել տվյալները՝ կրթության մեջ իրական փոփոխություն ստեղծելու համար։ Ես ձեռք բերեցի անգնահատելի փորձառություն՝ աջակցելով «Դասավանի’ր Հանուն Հայաստանի»-ի տվյալների համակարգերին։
«Դասավանի’ր Հանուն Հայաստանի»-ի Նախկին Ուսուցիչ-առաջնորդ, Տվյալների մասնագետ
ՎԱՐԴԱՆ ՀՈՎԱԿԻՄՅԱՆ · 3-rd սերունդ
«Դասավանի’ր Հանուն Հայաստանի»-ի հետ անցկացրած երկու տարիներս դարձան իմ կարիերայի մեկնարկային կետը. Այս ընթացքում ես զարգացրի առաջնորդական, թիմային և նախագծերի կառավարման հմտություններս։ Այսօր, որպես դպրոցի տնօրեն, ներշնչված ունեցածս փորձառությանից՝ շարունակում եմ առաջնորդել կրթական համակարգի փոփոխությունները»։
«Դասավանի’ր Հանուն Հայաստանի»-ի Նախկին Ուսուցիչ-առաջնորդ, Դպրոցի տնօրեն և Կրթության մասնագետ
ՎԵՆԵՐԱ ԱԲՈՎՅԱՆ · 2-նդ սերունդ
«Դասավանդի՛ր Հանուն Հայաստանի»-ն ցույց տվեց, որ երկարաժամկետ փոփոխությունը սկսվում է հաստատակամությունից և հստակ տեսլականից։ Այդ փորձը դարձավ իմ ճանապարհի սկիզբը․ այժմ ես ներգրավված եմ ուսուցիչների զարգացման ազգային քաղաքականությունների ձևավորման գործում և աշխատում եմ կրթական համակարգերի ամրապնդման ուղղությամբ՝ նորարարությունների և համայնքային համագործակցության միջոցով։
«Դասավանի’ր Հանուն Հայաստանի»-ի Նախկին Ուսուցիչ-առաջնորդ, Կրթական քաղաքականության մասնագետ
ԲԻԱՅՆԱ ԱՄԻՐՋԱՆՅԱՆ · 5-րդ սերունդԱռաջին սերունդը սկսել է իր ուղին 2015 թվականին։ Այդ ժամանակից ի վեր Ուսուցիչ-առաջնորդների մի շարք սերունդներ են միացել շրջանավարտների շարժմանը։
Երկամյա ծրագիրն ավարտած անձանց ամբողջական ցուցակին կարելի է ծանոթանալ՝ անցնելով նշվաց հղմամբ.