MindX Teachers Lab

Ալբերտա Պիրոևա

Ուսումնառության և կրթական նախաձեռնությունների գծով տնօրեն, «Հայաստանի կրթական նախաձեռնություն»

Ալբերտա Պիրոևան մանկավարժության մագիստրոս է՝ անգլերեն և գրականություն մասնագիտացմամբ և կրթության ոլորտում շուրջ տասը տարվա փորձառությամբ։ Մասնագիտացած է կրթական ծրագրերի, ուսումնական համայնքների և դասավանդման պլանների մշակման, ուսումնառության համընդհանուր ձևավորման (UDL) և կարողունակահեն ուսուցման մոտեցումների ուղղությամբ։ Նախագծել և իրականացրել է ուսուցիչների ու առաջնորդության զարգացման ղեկավարների բազմափուլ վերապատրաստումներ։ Ներկայում «Հայաստանի կրթական նախաձեռնություն» հիմնադրամի Ուսումնառության և կրթական նախաձեռնությունների գծով տնօրենն է։

Աննա Խաչյան

Կրթական ծրագրերի մշակման ավագ պատասխանատու, «Հայաստանի կրթական նախաձեռնություն»

Աննա Խաչյանը մասնագիտությամբ պատմաբան է՝ կրթության, հաղորդակցության, հանրային կապերի, կառավարման և առաջնորդության ոլորտներում շուրջ տասներկու տարվա փորձառությամբ։ Ներկայում նա «Հայաստանի կրթական նախաձեռնություն» հիմնադրամի «Ուսուցչական առաջնորդություն» մագիստրոսական ծրագրի ղեկավարն է և «Ինլայթ» հանրային հետազոտությունների կենտրոնի գործադիր տնօրենը։ Նրա մասնագիտական գործունեությունը կենտրոնացած է կրթական ծրագրերի մշակման, առաջնորդության զարգացման, հետազոտության և կրթության ոլորտում համակարգային փոփոխությունների խթանման ուղղությամբ։

Թամարա Գրիգորյան

Առաջնորդության զարգացման ղեկավար, «Դասավանդի՛ր հանուն Հայաստանի»

Թամարա Գրիգորյանը կրթության և առաջնորդության ոլորտի մասնագետ է՝ ավելի քան տասը տարվա փորձառությամբ ուսուցման, մենթորության, հետազոտության և հանրային մեդիայի ոլորտներում։ Ներկայում նա «Դասավանդի՛ր հանուն Հայաստանի»-ի Առաջնորդության զարգացման ղեկավարն է՝ աջակցելով ուսուցիչ-առաջնորդների մասնագիտական աճին և համակարգելով մենթորության ու քոուչինգի գործընթացները։ Թամարան Երևանի պետական համալսարանի ժուռնալիստիկայի ֆակուլտետի մագիստրոս է։

Նարինե Վարդանյան

Առաջնորդության զարգացման ավագ ղեկավար, «Դասավանդի՛ր հանուն Հայաստանի»

Նարինե Վարդանյանը կրթության ոլորտի մասնագետ է՝ շուրջ ինը տարվա փորձառությամբ։ Դասավանդել է հայոց լեզու և գրականություն, այնուհետև մասնագիտացել ուսուցիչների առաջնորդության զարգացման ուղղությամբ՝ կիրառելով քոուչինգի և ինքնաբացահայտման ժամանակակից մոտեցումներ։ Ունի աշակերտական, ուսուցչական և կրթական-առաջնորդական համայնքների ստեղծման ու զարգացման փորձ։ Ավարտել է ԵՊՀ ժուռնալիստիկայի ֆակուլտետը և գրականագիտության բաժինը։

Մարգարիտա Խամոյան

«Դասավանդի՛ր հանուն Հայաստանի» ծրագրի ղեկավար

Մարգարիտա Խամոյանը կրթության և համակարգային փոփոխությունների ոլորտի մասնագետ է՝ ավելի քան ինը տարվա փորձառությամբ։ Ներկայում նա ղեկավարում է «Դասավանդի՛ր հանուն Հայաստանի» ծրագիրը՝ համակարգելով ծրագրի ռազմավարությունը, թիմերն ու համագործակցությունը Հայաստանի տասը մարզերում։ Մասնագիտացած է ուսուցիչների առաջնորդության, քոուչինգի, ռազմավարական պլանավորման և կրթական նորարարությունների ոլորտներում՝ իր աշխատանքում կարևորելով տվյալահեն որոշումները և թիմային պատասխանատվությունը։

Նարեկ Անտոնյան

Դպրոցի փոխակերպման ավագ ղեկավար, «Հայաստանի կրթական նախաձեռնություն»

Նարեկ Անտոնյանը մասնագիտությամբ պատմաբան է և կրթության ոլորտի մասնագետ։ Մասնագիտական գործունեության ընթացքում որպես «Դասավանդի՛ր հանուն Հայաստանի» ուսուցիչ-առաջնորդ դասավանդել է պատմություն։ Ներկայում նա «Հայաստանի կրթական նախաձեռնություն» հիմնադրամի «Սերունդ» դպրոցների փոխակերպման ծրագրում աշխատում է որպես Դպրոցի փոխակերպման ավագ ղեկավար։ Նրա մասնագիտական գործունեությունը կապված է դպրոցների զարգացման, ուսուցչական փորձառության և կրթական համայնքների փոխակերպման հետ։

Վեներա Աբովյան

Դպրոցի փոխակերպման ղեկավար, «Հայաստանի կրթական նախաձեռնություն»

Վեներա Աբովյանը կրթության ոլորտի մասնագետ է՝ շուրջ քսան տարվա աշխատանքային փորձառությամբ։ Ներկայում նա «Հայաստանի կրթական նախաձեռնություն» հիմնադրամի «Սերունդ» ծրագրում աշխատում է որպես Դպրոցի փոխակերպման ղեկավար՝ նպաստելով երեխաների ամբողջական զարգացմանը սոցիալ-հուզական ուսումնառության, մանկավարժական համակազմի վերապատրաստման և ծնողների գործընկերային ներգրավման միջոցով։ Մասնագիտությամբ կենսաբան-քիմիկ է և աշխատել է որպես ուսուցիչ, դպրոցի տնօրեն, մենթոր և առարկայական փորձագետ։

Անի Մկրտչյան

«Սերունդ» ծրագրի ղեկավար, «Հայաստանի կրթական նախաձեռնություն»

Անի Մկրտչյանը կրթության ոլորտի մասնագետ է՝ շուրջ քսան տարվա փորձառությամբ։ Ներկայում «Հայաստանի կրթական նախաձեռնություն» հիմնադրամում ղեկավարում է «Սերունդ» դպրոցների փոխակերպման ծրագիրը։ Մասնագիտացած է սոցիալ-հուզական ուսումնառության, ուսուցիչների մասնագիտական զարգացման և ապահով ու ներառական կրթական միջավայրերի ստեղծման ոլորտներում։ Որպես փորձագետ ներգրավված է եղել ԿԶՆԱԿ-ի ուսուցիչների վերապատրաստման ծրագրերում և դասավանդում է Խ. Աբովյանի անվան հայկական պետական մանկավարժական համալսարանում։

Վահե Հովսեփյան

Առաջնորդության զարգացման ղեկավար, «Դասավանդի՛ր հանուն Հայաստանի»

Վահե Հովսեփյանը մասնագիտությամբ պատմաբան է, ավարտել է Երևանի պետական համալսարանի պատմության ֆակուլտետը։ 2018–2020 թվականներին որպես «Դասավանդի՛ր հանուն Հայաստանի» ուսուցիչ-առաջնորդ պատմություն է դասավանդել Արցախի Մարտակերտի շրջանի Ծմակահող գյուղում։ Հետագայում աշխատել է որպես տարածաշրջանային համակարգող, ապա՝ տարածաշրջանային համագործակցությունների և տեղակայման պատասխանատու։ 2025 թվականից «Դասավանդի՛ր հանուն Հայաստանի»-ի Առաջնորդության զարգացման ղեկավարն է։

Մարիամ Ալեքսանյան

Կրթական ծրագրերի նախագծման ղեկավար, «Հայաստանի կրթական նախաձեռնություն»

Մարիամ Ալեքսանյանը կրթական ծրագրերի նախագծման ղեկավար և կրթության ոլորտի մասնագետ է։ Ներկայում նա ԵՊՀ Մանկավարժության և կրթության զարգացման կենտրոնի հայցորդ է, որտեղ նաև դասավանդում է «Դասարանային մշակույթ» դասընթացը։ Մարիամը նաև «ԴՈՒԷԼ» ՀԿ-ի կրթական ծրագրերի մշակող է։ Նրա մասնագիտական գործունեությունը կենտրոնացած է ուսումնառության համընդհանուր ձևավորման (UDL) և սոցիալ-հուզական ուսումնառության (SEL) շրջանակների տեղայնացման և կիրառման ուղղությամբ։

Գայանե Խալաթյան

Առաջնորդության զարգացման ղեկավար, «Դասավանդի՛ր հանուն Հայաստանի»

Գայանե Խալաթյանը կենսաբանության և քիմիայի ուսուցչի մասնագիտական հիմքով կրթության ոլորտի մասնագետ է։ Ներկայում նա «Դասավանդի՛ր հանուն Հայաստանի»-ի Առաջնորդության զարգացման ղեկավարն է՝ աջակցելով ուսուցիչ-առաջնորդների մասնագիտական աճին և առաջնորդական կարողությունների զարգացմանը։ Նրա մասնագիտական հետաքրքրությունների շրջանակում են կրթական առաջնորդությունը, նախագծային և փոփոխահեն ուսումնառությունը, սովորողների առաջնորդության զարգացումը և արհեստական բանականության կիրառումը կրթության մեջ։